Pita unuk starega noštroma da zaraj čega na kadenu oko vrata nosi zlatno sidro.
– Sinko, sidro znači porat, mir, a svaki koji navigaje oće se vratit doma u svoj mir i svoj porat. Sidro oli ankora na more ti zlata vridi i zato ga uvik sebon tišćin. Na sve vas me sića. Ka se za kraj vežeš, po provi se na sidro natižeš.
More zapovida
Loviš li ribu u kurenat, po sidru se puštaš. Okriće li more, za poštu ne izgubit, po krmi drugo sidro kalaš. Tot je i kadena, špag, bitva, koliko špaga puštit, kako ankoru fondat, cili jedan edukacjun. Ma jedno zapanti, more je uvik gospodar, vaja ga rišpetat. More zapovida, a čovik samo sidro kala, i to jopet ka mu more pušti. Nikad ne partit brez jidra, najskoli brez sidra, barenko jednega.
A sad slušaj ovu štoriju o sidru mojega...