Meni su već mnogi spočitali da volin kritizirat, pa i ismijavat. No, moju tvrdnju da čovik smi kritizirat samo ono ča sam more, znade, oliti razumi bolje, nisu tili ni čut. A ja baš volin posli kritike samo objasnit kako bi nešto moglo bit bolje i zbog čega. Ovi put ću eto najpri pridočit dokaz za neku tvrdnju i posli to objasnit.
Zemljakinja
Ka ča san već više puti spomenija, vojni rok sam davno služija u JK Mornar u Splitu. Jedan put san iša na plažu kod Labuda i tamo vidin neku divojku, sidi jadna sama na stini povrj mora. Ispostavilo se kako mi je zemljakinja iz Celja i da čeka dvi prijateljice ča se kupaju, a ona ne more. - A ča ideš na more kad su ti oni dani – upita san je. - Ma nisu nikakvi dani nego ne znan plivat – rekla je nekako tužno i dodala kako...