priče čitateljaFrani je utekla obotnica, a cilo misto i svi zajebanti brzo su saznali za njegovu pegulu: Ajme majko, moga san šest judi naranit, pa koja je to dežgracija, ča ću sad?!

Evo poslin puno vrimena da van se javin dragi štioci s jednon malešnon štorijon iz našega malega mista.

U naše malo misto jeman prijateja Vedrana koji je, osin ča je završi skule za kapa o makinje, propju pravi morski čovik. Na raznin brodiman i moriman je naviga, a u zanju na tunolovciman i oniman ća opskrbjivaju ribogojilišta, tako da o moru i riban zna sve. Voli idrit i zato je kupi jedan lipi jedrenjak, jahtu od niki dvanet metri.

Straj da ga ne ugrize

Voli i ribarit sa svin artiman a posebno sa puškicon na ariju marke Mares. Jema i vrše pa i u njiman uvik bude barenko za obid. Ča se tiče liganj, tu sa svojin malešnin kajićen, ča mu je nadija ime Frfa, tamani lignje i po danu i po noći.

Sve u svemu je stručnjak o' rib i ribanja. Iz jedne fameje koja se po svitu rasula,...